اعمال السقف الساقط

 قبل ما تشتغل فى السقف فى شوية حاجات لازم تراجع عليها الاول

 ١- رسمة شكل السقف و اختلاف المناسيب ف دة محتاج مراجعة تفصيلية للوح

٢- تتاكد ان تم الانتهاء من اعمال الكهرباء و الميكانيكا فوق السقف

٣- تحديد مكان باب الصيانة و دة بيبقى باب بيتفتح فى السقف لزوم اعمال الصيانة

٤- لازم تبقى قارى المواصفات كويس عشان تبقى عارف نوع الواح الجبس اللى هتشتغل بيها و احسن نوع و اكتر نوع متداول اسمه كنوف

٥- لازم تبقى عارف جبس مقاوم ولا عادى بمعنى

الجبس الاخضر بيبقى مقاوم للرطوبة

الجبس الاحمر بيبقى مقاوم للحرائق و الرطوبة

الجبس الابيض دة الجبس العادى مش مقاوم لحاجة

قبل ظا تكلم الراجل بتاع الجبس عشان يجيى يشتغل لازم الاول تكون جبت المساح و علم على الحوائط المنسوب او بلغة الموقع رمى الشرب

مراحل تركيب الجبس

first fix

second fix

third fix

first fixاولا ال

بيبقى تركيب الشغل المعدنى التيش-السيهات-الاوميجا- الشادو جاب

اولا التيش

بيبقى زى مسامير طويلة بتتثبت بفشر فى السقق الخرسانة

ثانيا السيهات
 بيتعلق فى التيش C ١-قطاع على شكل حرف
  Cبتتعلق فى قطاع ال  C ٢-كمرة على شكل حرف
٣- الاوميجا دى اخر حاجة فى الشاسية المعدنى اللى بيتركب فيها الواح الجبس
٤- الشادو جاب دة عبارة عن زاوية بتركب داير مايدور الحوائط عشان تدارى عيوب المحارة لالواح الجبس لانها بتمنع اخر لوح الجبس انه يوصل للحيطة و كمان بتدى شكل جمالى بحيث يتم الاستغناء عن تركيب كورنيشة عند التقاء الجبس بالحيطة
المسافات اللى بين الاتياش و السيهات و الاوميجا بتبقى مذكورة على اللوحة بس هى عموما بتبقى فى حدود ٨٠ سم
Second fixثانيا ال
تركيب الواح الجبس فى الاوميجا بمسامير شك و مراجعة وزنات السقف مايكونش مائل فى اى اتجاة و يكون شكل السقف طبقا للوحة المعتمدة
Third fixثالثا ال
شغل المعجون و الدهانات لتسليم السقف الساقط طبقا لاصول الصناعة و الجودة
الصورة الرفقة لتوضيح الشكل الهيكل المعدنى