انواع العزل الحرارى للاسطح

دايما عارفين ان اخر دور فى اى مبنى بيبقى اكتر دور معرض للحرارة سواء للشمس فى الصيف او البرد فى الشتاء ف الحل بنلجئ لحاجة اسمها العزل الحرارى دة بيخفف المشكلة شوية بس مش بيمنعها تماما طبعا بس الوضع بيبقى احسن

اولا اية هى طبقات السطح

١- الخرسانة المسلحة

٢- طبقة عزل للرطوبة (العزل المائى

٣- طبقة مونة حماية لعزل الرطوبة

٤- رمل

٥- مونة

٦- بلاط 

طبعا كانت دراستنا فى الكلية ان فى خرسانة ميول بعد عزل الرطوبة بس مش دايما بتتعمل فى الموقع و بنستبدلها بالميول فى البلاط

العزل الحرارى دايما بيتعمل بعد عزل الرطوبة و فى منه نوعين

اولا سيلتون

بيبقى عامل زى المونة العادية كدة بس رغوى شوية بيتخلط فى الخلاطة زى الخرسانة و بيضاف عليه مادة و بيتفرد على الارض بس مش بيتفرد كله بمستوى واحد

قبل ما تبدا تفرد السيلتون بتعمل اوتار بطوب اسمنتى مصمت او مونة و بتعمل الوتر بيبقى عالى فى ابعد نقطة و بيبدأ فى النزول فى اتجاة الجرجورى و بيبقى مسبق التنبية فى المواصفة الفنية للمشروع ان متوسط ارتفاع الوتر كذا سم ف انت بتبدأ تجهز فى الميول باستخدام ميزان القامة و بعد ما تسلم الاوتار للاستشارى بتبدأ فى ملو السيلتون و فى شركات و مواقع بيستغنوا عن الميول دة خالص و بيخلوا السيلتون كله مستوى واحد و بيبدأوا يعملوا الميول فى طبقة الرمل و البلاط بس انا مش بفضل الطريقة دى لان ظبط الميول فيها بيبقى صعب شوية

thermal insullation sheets ثانيا الواح فوم

بعد ما بتعمل عزل الرطوبة و الحماية بتجيب الواح فوم عادية جدا بيبقى لونها ازرق كدة سمك ٥ سم بيترصوا جمب
بعض بس كدة

مصطلحات الموقع بالانجليزى

tower craine ونش  برجى
mobile craine ونش ارضى
fork lift فوركة
duals اشاير حديد
stirrups كانات
lintel beam عتب
lintel height ارتفاع العتب
sill جلسة
sill height ارتفاع الجلسة
gravil زلط
mortar مونة
decking دمسة
first coat وش اول
putty/stucco معجون
water insullation عزل رطوبة
thermal insullation عزل حرارى
s.o.g (slab on grade) طبقة خرسانة على الارض
block work اعمال المبانى
plaster work اعمال المحارة
wire mesh سلك شبك حديد
bond beam كمرة ربط
level شرب او منسوب
ir (inspection request) طلب فحص و تسليم
p.p.e (personal protective equipment) الخوذة و السيفتى و الفيست و النظارة و الجوانتى
specs المواصفات
method of statment طريقة تنفيذ البند
invoice مستخلص
survey حصر
ITP (inspection test plan) خطة تسليم طلبات الفحص
first course for block work أد مبانى اول مدماك
shiping زمبرة
scrambling خربشة
granding صروخة
بعض المصطلحات باللغة الانجليزية

concrete خرسانة
reinforcement bars اسياخ التسليح
straight bars اسياخ مستقيمة
bending bars اسياخ مكسحة
top bars اسياخ علوي
stirrupsكانات
shrinkage bar اسياخ انكماش
dowels اشاير الاعمدة
laps splices وصلات اسياخ
mortar مونة
cement اسمنت
sand رمب
aggregate رمكام
coarse aggregateزلط
fine aggregateرمل
masonryمباني
block طوب
spatter dash طرطشة
plaster بياض
door hard ware اكسسوارت الابواب
hinges مفصلات باب
over head door closer دفاش اعلي الباب
pine wood خشب موسكي beach wood خشب زان
walnut wood خشب جوزي
veneerقشرة
oak veneer قشرة ارو
ditto كذالك
cylindrical -lock قلب الكالون
roses غطاء الكالون
lever handle اكرة باب
push plat بلتة ادفع
kick plate بلتة اسحب
fire rated مقاوم للحريق
setting bed طبقة مونة اسفل الارضيات عادة 10 سم مسلح
adhesive لاصق
face grouting سقية البلاط
wired -mesh سلك شبك
plinthsاعتاب
door frame حلق باب
sub frameحلق ثانوي
bolts مسامير
cranes اوناش
incrementزيادة
decrementنقصان
level منسوب
shuttering اعمال الشدة الشدة الخشبية
form work الشدة الخشبية
joinery نجارة
leveling تسوية
basement بدروم
parapets دراوي
paints دهانات
tiles بلاط
skirting وزرة

تركيب الرخام الميكانيكى

تركيب الرخام الميكانيكى انا عن نفسى بعتبره من اسهل و أامن انواع التركيب و ليه طريقتين

first fix - direct fix

first fixال

عبارة عن عمود حديد كدة ببركب رأسى و بيتثبت فى الحيطة بمسامير انكور و بعد كدة بيتثبت فى ظهر الرخام

direct fixال

زى النوع السابق بس مفيش العمود الحديد فى زى زوايا حديد بتتثبت فى الحيطة بمسامير انكور و بعد كدة بتتثبت فى ظهر الرخام

القصة كلها مش فى طريقة التركيب القصة كلها و اعتماد الاكسسوارات للنوعين و الفراغ الى بين الرخام و الحيطة و 

calculation sheetالجزء الاهم هو

دة عبارة عن النوتة الحسابية اللى بيقدمها مقاول الرخام و المقاول العام للاستشارى و دى بتبقى عبارة عن توزبع الاحمال و بيختار فى طريقة التركيب و قطر المسامير و سمك الاكسسوارات لتحمل اوزان الرخام منعا من الانهيار

تركيب رخام او سيراميك للارضية و الحوائط

تركيب رخام و السيراميك للحوائط

 بالنسبة لتركيب رخام الحوائط فتثبيته ليه ٣ طرق اولا بسقية المونة او بمادة لصق او تركيب ميكانيكى و دة هنتكلم عنه بعدين

بالنسبة لتركيب السيراميك للحوائط فتثبيتة ليه طريقتين اولا بلصق المونة او بمادة لصق

 خلينا نتكلم عن الرخام و السيراميك مع بعض فى طريقة التثبيت بمادة اللصق لان مفيش فرق بينهم

عشان تشتغل لصق سيراميك او رخام على الحائط ف لازم الاول تبيض الحائط و لازم يكون مستوى المحارة ممتاز لان اى عيب فى تشطيب المحارة هيظهر فى تركيب الرخام او السيراميك و لازم تكون عارف كويس الفراغ دة جاى رخام ولا سيراميك عشان تعمل حسابك فى بروز علب الكهرباء لان  سمك الرخام غير سمك السيراميك و بعد كدة لازم تكلم المساح يجى يعلملك الشرب (المنسوب) عشان تعرف انت مستوى التشطيب بتاعك فين عشان تعرف تقسط الجنب بتاعك و تقلل الغلايق ، خلاص احنا كدة جاهزين للتركيب فى مواد انا شخصيا اشتغلت بيها اسمها سيكا سيرم و سيكا لاسكا و فى انواع من الجراوت بتستخدم فى اللصق بردو و دى بتيجى شكاير زى الاسمنت كدة و بتتخلط بشوية مياة و تتفرد على الحائط بالبروة و تثبت عليها البلاطة

بالنسبة لتثبيت الرخام بسقية المونة

دة يعتبر النوع البلدى فى التثبيت و بيتم كالتالى بيتم حفر حتة صغيرة كدة فى ظهر الرخامة و بيتم تثبيت فيها كانة اسمها كانة سلك بتبقى عبارة عن سلكة كدة جامدة شوية و تكون مجلفنة (ضد الصداء) و بتلصقها فى الرخامة بكولة و بعد كدة بتثيت بلاطات الرخام تثبيت مبدئى بشوبة جبس و مراجعة الافقية و الرأسية و بعد كدة بيتم ملو الفراغ اللى بين الرخام و الحائط اللى هو مش اقل من ٣ سم مثلا بالمونة و يفضل يكون اسمنت ابيض مش اسود عشان الرخام ممكن يشرب اللون و يغير لونه و بيتم سقيه الجانب على اربع مرات عشان مايضربش

بالنسبة لتركيب الرخام او السيراميك للارضية

لازم لازم لازم و مهم جدا تكون عارف الفراغ اللى انت شغال فيه و لازم تكون عارف هل الفراغ دة فى عزل رطوبة (عزل مياة) ولا لا عشان ماتركبش السيراميك او الرخام و بعد كدة تكسرة عشان تعمل العزل

لازم بردة تكلم المساح يعلملك الشرب عشان تعرف مستوى تشطيب الارضية منسوبه فين بالظبط و سواء السيراميك او الرخام للارضية بيركب بمونة فقط بس بردو يفضل بالنسبة للرخام اسمنت ابيض

فى حاجة فى تركيب السيراميك اسمها صلايب دى بتبقى فى مستوى التشطيب العالى دة بتبقى عبارة عن حتة بلاستك على شكل + بتتحط بين بلاطة و بلاطة عشان تحافظ على مسافة العرانيس) الفراغ بين البلاطات) 

محارة عازلة للصوت gyproc gyplast

اه فى محارة عازلة للصوت

طب اية استخدامتها و لية و ازاى

اولا: استخدامتها

على سبيل المثال فى الموقع عندى (كنت بشتغل فى فندق ٧ نجوم) المفروض ان بين الغرف و بعضها مفيش صوت يتنقل خالص و لما جينا عملنا اختبار الصوت سقط و كانت مشكلة وهنا الشركة جبتلنا شركة من الباطن اسمها

gyproc gyplast

و الشركة كانت توريد فقط و دى عازلة للصوت

ثانيا: طريقة تطبيقها

بتتكون من ٣ طبقات على ٣ مراحل

gyplast fill - gyplast mortar - gyplast top

و طريقة العجن هى تفريغ الشكارة فى تكنة (نص برميل) و اضافى مياة حسب الحاجة يعنى ملهاش معيار معيين

gyplast fill:اولا

دى بتبقى اول طبقة زى التلبيش كدة بس بتبقى خشنة شوية و بتنفرد زى المحارة عادى و بتتشطب بالدراع

gyplast mortar:ثانيا

دى بتبقى زى طبقة تنعيم شوية و ممكن تستخدم فيها الدراع او البروة

gyplast top:ثالثا

دى الوش النهائى الناعم و ممكن تستخدم فيها الدراع او البروة

ميزة المادة دى انها مش بتحتاج معجون كدة خلاص انت بعد ما بتخلص اخر وش بتجيب النقاش عشان يلقط اى حاجة محتاجة ترميم بس بردو بنفس المادة و بعد كدة تخش سلسير و بطانة

عيبها ان الجانب الواحد بياخد من المبيض من ٣ ل ٤ ايام شغل فيه على عكس المحارة العادية هو يوم واحد

طريقة التجهيزات هى هى زى المحارة بالظبط سواء بؤج و اوتار و سلك شبك و اعمدة الفرزبيكو

اسئلة مقابلات ... بند الsealent

بعد ما بنخلص محارة فى بند مهم جدا و سهل جدا بس ضرورى بيتعمل فى المبانى المهمة زى الفنادق و المبانى من النوعية دية

fire rated sealent بند ال

اية دة و عبارة عن اية؟؟؟ و احنا شغالين مبانى بنطلع بالحيطة اكيد لحد السقف بس بمدنسيب اخر ٣ سم بمعنى ان بنخلى ٣ سم فراغ بين الحيطة و السقف عشان الفراغ 

sealentبيتحقن ب

و دة عبارة عن حاجتين اول حاجة بيتبفى عملة زى بكر الفوم كدة سمكها ٢.٥ سم او ٥ سم و بتتسمى بكر روود دة فيلين عادى بيتحط بين الحيطة و السقفو بعد كدة تقفل علية بالسيلينت و دى مادة زى السلكون كدة و طبعا فى منها من

basf و sika

طب اية لازمة الموضوع دة اصلا

اولا: بيمنع نقل الحرائق او دخان الحرائق من فراغ لفراغ

ثانيا: بيمنع نقل الحشرات

ثالثا: بيمنع نقل التراب

و من انواعها عشان و انت فى الانترفيو تقول حاجة كدة

basf masterflame js 110
و انا شخصيا بفضل اننا نبدا فى البند دة بعد المحارة عشان نحافظ على نظافة السيلينت عشان لما الاستشارى يجى يستلم مايقولكش دية مش نظيفة غيرها , بس ممكن تشتغله بعد المبانى على طول كل دة يرجعلك انت و ادارتك للمكان اللى انت مسؤل عنه

اسئلة المقابلات...بند المحارة

خلصنا بند المبانى و الحمدلله سلمنا الشغل للاستشارى نبدأ فى البند اللى بعده بند المحارة او كمة يقال بلغة الموقع بند البياض

اولا التحضير

بيتم الاول غسل  الحيطة بالمياة عشان نشيل التراب و نشتغل على نظافة و بعدين بتم الطرطشة و الافضل طبعا الطرطشة  بالمسطريين مش بالكوز ولازم تكون الطرطشة خشنة او كما يقال بلغة الموقع شحمة دة بالنسبة للتجهيز الشغل على الطوب او البلوك اما بالنسبة للتجهيز على الخرسانات سواء اعمدة او كمر لو كنت شغال خرسانة ملساء بخشب الكونتر فلازم تتزمبر عشان المحارة تمسك اما لو شغال خرسانة بلدى بخشب لتزانة ف مش هتحتاج زمبرة

بعد كدة لازم تعمل سلك شبك بين اى خرسانة و مبانى عشان تمنع تنميل البياض فيما بعد و السلك بيتثبت بمسامير فشر و بتبقى على شكل رجل غراب
بعد كدة تبدأ فى البؤج و الاوتار و لازم تبقى موزونة و خيط خلصنا التجهيزات و سلمناها للاستشارى خلاص نبدا فى مرحلة الملو و بتبقى عبارة عن مرحلتين التلبيش (و هى رمى و تثبيت المونة على الحيطة) وتانى حاجة التشطيب و بيبقى بالبروة و السفنجة و ممنوع منعا باتا التبدير او بمعنى رش اسمنت خام على المونة لسرعة الشك 

اسئلة المقابلات...بند المبانى

الف الف مبروك انت دلوقتى اتخرجت و بقيت مهندس قد الدنيا ها و بعدين هنعمل اية؟؟؟؟
خلينا ناخدها واحدة واحدة دلوقتى انت روحت شركة كبيرة و قالك سلمتك دور بعد ما خلص خرسانات هتعمل اية؟
اولا هتكلم المساح يجى يرمى نقط بالتوتال النقط دية بتكون على بعد معروف عن المبانى فى بالتالى انت بتشد خيط على النقط و تسيب المسافة المتفق عليها و تبدأ فى المبانى
ثانيا تبدأ قد مبانى او بمعنى بتبنى اول مدماك مبانى فقط و بتسلمه للاستشارى عشان لو فى مشكلة او ملاحظات يبقى الموضوع سهل فى تعديله بدل ما تهد الحيطة كلها
ثالثا لازم تبقى عارف انت شغال باى نوع طوب و باى كود مصرى ولا امريكى بس عموما اغلب الشركات الكبيرة دلوقتى بتشتغل بطوب اسمنى ٤٠×٢٠×٢٠ و بيبقى اسمه بلوك و بيبقوا شغالين بالكود الامريكى
رابعا بالنسبة للبلوك و الكود الامريكى فبيكون كالتالى البلوك بيتملى مونة و بيتزرع فية اشاير حديد كل ٨٠ سم و سلك شبك كل ٣ مداميك و كانات للربط بين البلوك و الخرسانات كل مدماكين
خامسا المتر المسطح من البلوك بيتكون من ١٢.بلوكة و بيتورد من المصنع على بلتات و فيه من سمك ٢٠ سم و ١٥ سم و ١٠ سم
سادسا لما تخلص رفع مبانى و تبقى عايز تسلم الاستشارى لازم تبقى عارف كويس الاستشارى هيجى يستلم ازاى هيبص على وزنات الحيطة و يتاكد انها مش مايلة فى اى اتجاة و هيبص على العرانيس (المونة اللى بين البلوك) سواء الافقية او الرأسية و ممكن يقولك هاتلى هيلتى هيحتاج يكشف مرة ولا مرتين فى البلوك عشان بتاكد من الملو و تزريع الحديد